“Barselona” iki transfer əməliyyatı reallaşdırıb.

“Football-plus.az” xəbər verir ki, İspaniya nəhəngi hər iki oyunçunu ötən mövsüm sıralarında yaxşıca sınayandan sonra transferi həyata keçirib.
Əvvəlcə Mamadu Fall transfer edilib. “Los Anceles”in müdafiəçisi ilə “2+2 il” sxeml üzrə müqavilə imzalanıb. Transfer İspaniya klubuna 4 milyon avroya başa gəlib. Qeyd edək ki, 21 yaşlı seneqallı futbolçu ötən mövsüm icarə əsasında “Barselona B”də çıxış edib. O, bu komanda ilə 22 matçda meydana çıxıb, 2 qol vurub və 1 məhsuldar ötürmə edib.

Pau Viktor isə “Jirona”nı tərk edən oyunçuların sırasına qoşulub. O, bundan sonra “Barselona”da daimi əsasda çıxış edəcək. Hücumçu yeni klubuna 2,7 milyon avroya başa gəlib. Pau “Barselona” ilə 5 illik müqavilə bağlayıb. “Jirona”nın yetirməsi olan 22 yaşlı futbolçu bir il əvvəl kataloniyalılara icarəyə verilmişdi. O, “Barselona B”də keçirdiyi 39 oyunda 20 qolun və 6 məhsuldar ötürmənin müəllifi olub.