"Sent Patriks" sabah Konfrans Liqasının 3-cü təsnifat mərhələsinin cavab matçında "Sabah"ın qonağı olacaq.

"Football-plus.az" xəbər verir ki, İrlandiya təmsilçisinin baş məşqçisi Stiven Kenni oyunöncəsi mətbuat konftansında jurnalistlərin suallarını cavablandırıb. Sizi mütəxəssisin fikirləriylə tanış edirik.

- Bizi çox çətin oyun gözləyir. Lazım olan nəticəni qazanıb mövbəti mərhələyə adlamaq istəyirik. Təəssüf ki, geniş imkanlarımız yoxdu. Maliyyə dayaqlarımız çox zəifdi. Belədə hər oyuna istədiyimiz kimi hazırlaşa bilmirik.

- Azərbaycan klubuna məğlub olsaz, həzm edə biləcəksizmi?
- "Sabah" ambisiyalı rəqibdi. Bizdən daha yaxşı imkanlara malikdi. Məğlub olsaq, normal qarşılayacağıq.

- Azərbaycana ilk səfərinizdən qalib ayrılmısız. Bəs "Sabah" haqda nə düşünürsüz?
- Bəli, ilk gəlişimdə çox yaxşı nəticə qazanmışdıq. İndiki situasiya fərqlidi. Rəqibimiz növbəti mərhələyə adlamaq istəyir.

- "Sabah"la "Sent Patriks"in büdcəsini müqayisə etsək, hansı mənzərə ortaya çıxar?
- Maliyyə mütəxəssisi deyiləm. Məhz futbola köklənmişik. Bu baxımdan deyə bilərəm ki, oyuna çox yaxşı hazırlaşmışıq.

- Bəs "Sabah"ın hansı üstün cəhətlərini vurğulaya bilərsiz?
- "Makkabi"ylə matçı yada salmaq olar. Rəqibimiz çox güclü komandaya qarşı oynayıb qələbə qazandı.

KƏNAN BAHADIR