Avropa Liqasının pley-off mərhələsinin startı postsovet məkanı üçün ümumilikdə uğursuz alındı.

Bu məkandan olan üç komandadan ikisi məğlub oldu.
“Dinamo-Minsk” UEFA-nın qadağasına görə rəqiblərini Belarusda qəbul edə bilmir. “Anderlext”lə ilk matç Macarıstanın Mezököveşd şəhərində keçirildi. Belçika klubu erkən vurulan yeganə qolla qalib gəldi. Moldovanın son çempionu daha böyük uğursuzluğa düçar oldu. Çempionlar Liqasının 3-cü təsnifat mərhələsinin ev oyununda “Qarabağ”ın 7:2 hesablı darmadağına məruz qoyduğu “Ludoqorets” rüsvayçı məğlubiyyəti acığını “Petrokub”dan çıxdı. Bolqarıstanın dəyişməz çempionunun evdə 4 cavabsız qolla qalib gəlməklə praktiki olaraq qrupa vəsiqə qazandığını iddia etmək olar. RFŞ də bu vəzifəni yerinə yetirmək yolunda ilk addımını atdı. Latviya klubu evdə APOEL-ə 2:1 hesabıyla qalib gəldi. Riqalıların qrupda oynamaq üçün Cənubi Kiprdə daha çox tər tökməli olacaqları aydın məsələdi.

pley-off, ilk oyunlar
Dinamo-Minsk (Belarus) - Anderlext (Belçika) 0:1
Auqustinusson, 9.

Ludoqorets (Bolqarıstan) – Petrokub (Moldova) 4:0
Dua, 23. Ruan Kruz, 59. Almeyda, 90+1; 90+5.

Makkabi (Təl-Əviv, İsrail) – TSÇ (Serbiya) 3:0
Turceman, 27. Perets, 63. Madmun, 83.

Viktoriya (Plzen, Çexiya) – Harts (Şotlandiya) 1:0
Oyeqoke, 90+6-öz qapısına.

LASK (Avstriya) – FKSB (Rumıniya) 1:1
Taui, 34 – Mikulesku, 45+2.

Molde (Norveç) – Elfsborq (İsveç) 0:1
Kasem, 15.

RFŞ (Latviya) - APOEL (Cənubi Kipr) 2:1
Kaudio, 31. İkauniek, 45+1-p. – Əl-Ərəbi, 52.

PAOK (Yunanıstan) - Şemrok Rovers (İrlandiya) 4:0
Kliri, 45+4-öz qapısına. Tayson, 47. Konstantelias, 67. Baba, 90+5.

Luqano (İsveçrə) - Beşiktaş (Türkiyə) 3:3
Bislimi, 34. Şteffen, 57. Qabriel Paulista, 63-öz qapısına – Jedson Fernandeş, 21; 51. Əl-Musrati, 55.

Yagelloniya (Polşa) – Ayaks (Niderland) 1:4
Dieqes, 5 – Akpom, 10; 61; 69-p. Qodts, 28.

Ferentsvaroş (Macarıstan) – Borats (Bosniya və Hersoqovina) 0:0
Braqa (Portuqaliya) – Rapid (Avstriya) 2:1
Vitor Karvalyo, 33. Salasar, 70 – Burqştaller, 25.
Cavab oyunları avqustun 29-da keçiriləcək.