Avqustun 14-də avrokubokların 2024/25 mövsümünün ilk qalibi müəyyənləşdi.

Polşanın paytaxtı Varşava şəhərində keçirilən Avropa Superkuboku (AS) oyununda “Atalanta”ya qalib gələn “Real” bu turnirdə 6-cı uğurunu reallaşdırdı.

Real - Atalanta 2:0 (0:0)
Real (Madrid, İspaniya): Kurtua, Karvaxal (Vaskes, 88), Militao, Rüdiger, Mendi, Valverde, Çuameni, Rodriqo (Modriç, 76), Bellingem (Sebalyos, 88), Vinisius (Gülər, 88), Mbappe (Dias, 83).

Atalanta (Berqamo, İtaliya): Musso, Cimşiti, Hin (Palestra, 90), Kolaşinats (Bakker, 70), Zappakosta (Qodfri, 62), De Roon, Ederson, Rucceri, Paşaliç (Mantsoni, 90), De Ketelare (Retegi, 62), Lukman.

Qollar: Valverde, 59 (1:0). Mbappe, 68 (2:0).
Vərəqələr: Ederson, 9. Bellingem, 35. Vinisius, 42. Cimşiti, 64 - sarı.
Hakim: Sandro Şerer (İsveçrə).
14 avqust. Varşava. 56042 tamaşaçı.

Can Pyero Qasperini “Narodovı” stadionundakı matçdan əvvəl komandasındakı zədə problemindən şikayətlənmişdi. “Atalanta”nın Skalvini, Hatebur, Toloy, Koopmeyners və Skamakka kimi vacib oyunçuların xidmətindən məhrum olması matçın favoriti sayılan “Real”ın işinə yaramaya bilməzdi. Buna baxmayaraq, Avropa Liqasının son qalibi Çempiolar Liqasının çempionuna qarşı ilk hissədə kifayət qədər yaxşı mübarizə apardı. Ümumiyyətlə, komandalar fasiləyədək o qədər də maraqlı futbol sərgiləmədilər. Bircə bu faktı qeyd edək ki, ilk 45 dəqiqədə rəqiblər qapıya dəqiq zərbə belə endirə bilmədilər. Amma hissənin ortalarında De Roonun tiri, sonunda isə Rodriqonun qapı çarpazını hədəf aldığını qeyd edək.

Fasilədən sonra fəallaşan “Real” rəqibini qapısına sıxışdırmağa başladı. Madridlilərin oyunun tempini artırması berqamoluları çətinə saldı. Nəticədə 59-cu dəqiqədə qurulan kombinasiyanı tamamlayan Valverde hesabı açdı. “Atalanta”nın buraxılan qola cavab vermək üçün elə bir ciddi cəhdi olmadı. Əksinə, madridlilər oyun planında üstünlüyünü və hesab arasındakı fərqi artırdılar: Bellingemin ötürməsini dəyərləndirən Mbappe ağ futbolkada meydana çıxdığı ilk rəsmi oyundaca qol hesabını açdı. Qalan vaxtda da üstün oynayan Ançelottinin komandası bir neçə əla imkanı boşa versə də, bu il azarkeşlərini növbəti qələbə ilə sevindirdi. Bellingemin matçın ən yaxşı oyunçusu seçildiyini də qeyd edək.

Faktlar
* “Real” 9-cu dəfə iştirak etdiyi AS matçında 6-cı qələbəsini qazanmaqla “Barselona” və “Milan”ı arxada qoyaraq vahid rekordçu oldu.
* “Real” bu il İspaniya çempionluğu, ölkə superkuboku və Çempionlar kubokundan sonra 4-cü titulunu qazandı.
* Ançelotti AS-də 5-ci qələbəsini qazanmaqla Xosep Qvardiolanı arxada qoyaraq vahid rekordçu oldu. İtaliyalı mütəxəssis bu kuboku üç dəfə “Real” (2014, 2022, 2024) və iki dəfə “Milan”la (2003, 2007) qazanıb.
* Ançelotti məşqçilik karyerasında 30-cu titulunu qazandı. O, “Real”ı 14 turnirdə qələbəyə daşımaqla Migel Munyosun rekordunu təkrarladı.
* Modriç “Real” ilə 27-ci titulunu qazanmaqla Naçonu arxada qoyaraq vahid rekordçu oldu.
* Mbappe ilk dəfə avrokubokun qalibi oldu.

Oyundan sonra
Karlo Ançelotti, “Real”ın baş məşqçisi: