Çempionlar Liqasında (ÇL) martın 6-da Mançesterdə və Madriddə keçirilən cavab oyunlarında sensasiya baş vermədi və ilk matçlarda qalib gələn komandalar 1/8 final səddini keçdi.

"Football-plus.az" xəbər verir ki, ÇL-in son qalibi olan “Mançester Siti” asanlıqla, “Real” isə çətinliklə 1/4 finala adladı.

MS İngiltərə futbolu üçün yeni rekord müəyyən etdi. Xosep Qvardiolanın komandası “Kopenhagen”ni məğlub etməklə ÇL-də (Çempionlar Kubokunda) ardıcıl 10 qələbə qazanan ilk İngiltərə klubu oldu. MS ÇL-in tarixinə ardıcıl 8 oyunda azı 3 qol vuran ilk komanda kimi də düşdü. Xatırladaq ki, turnirin son çempionu qrup mərhələsində keçirdiyi 6 matçın hər birində qapıya 3 dəfə yol tapmışdı.

Leyptsiqdə minimal hesabla qalib gələn “Real” eyniadlı rəqibi ilə evdə heç-heçəyə razılaşmaqla mərhələni adladı. İspaniya klubu tarixində 20-ci dəfə ÇL-in 1/4 finalına vəsiqə qazandı. Qeyd edək ki, “Real” bu göstəriciyə əsasən yalnız “Bavariya”dan (22 dəfə) geri qalır.

Mançester Siti - Kopenhagen 3:1 (3:1)
Mançester Siti (İngiltərə): Ederson, Akanci, Diaş (Stounz, 68), Qvardiol, Lüis, Rodri (Qomes, 46), Nunyeş (Hemilton, 74), Kovaçiç, Bobb, Alvares, Holann (Rayt, 88).
Kopenhagen (Danimarka): Qrabara, Vavro, Diks, Makkenna, Ankersen, Klem (O.Heylunn, 68), Yelert (Melinq, 78), Frohold (Mattsson, 58), Elyunussi, Aşuri (Bardaqcı, 58), Oskarsson (Kornelius, 68).
Qollar: Akanci, 5 (1:0). Alvares, 9 (2:0). Elyunussi, 29 (2:1). Holann, 45+3 (3:1).
Vərəqələr: Kornelius, 84. Matsson, 90 - sarı.
Hakim: Espen Eskos (Norveç).
6 mart. Mançester. 51531 tamaşaçı.
İlk oyun – 3:1.
oyunun statistikası
12 (3) qapıya (“çərçivə”yə) zərbə 10 (2)
4 künc zərbəsi 4
1 ofsayd 4
5 qayda pozuntusu 9
0 (0) sarı (qırmızı) vərəqə 2 (0)
67 topa sahibolma (faizlə) 33
Real – Leyptsiq 1:1 (0:0)
Real (Madrid, İspaniya): Lunin, Karvaxal, Rüdiger, Naço, Mendi, Çuameni, Kroos (Modriç, 78), Kamavinqa (Rodriqo, 46), Valverde, Bellingem (Xoselu, 85), Vinisius.
Leyptsiq (Almaniya): Qulaçi, Henrixs, Orban, Lukeba, Raum, Haydara (Kampl, 90), Şlaqer (Elmas, 85), Olmo, Simons, Openda (Poulsen, 77), Şeşko (Baumqartner, 85).
Qollar: Vinisius, 65 (1:0). Orban, 68 (1:1).
Vərəqələr: Şlaqer, 20. Raum, 50. Vinisius, 54. Orban, 71. Çuameni, 73. Kroos, 75 – sarı.
Hakim: Davide Massa (İtaliya).
6 mart. Madrid. 76126 tamaşaçı.
İlk oyun – 1:0.
oyunun statistikası
12 (3) qapıya (“çərçivə”yə) zərbə 21 (4)
3 künc zərbəsi 8
1 ofsayd 1
12 qayda pozuntusu 15
3 (0) sarı (qırmızı) vərəqə 3 (0)
53 topa sahibolma (faizlə) 47
Bombardirlər: Keyn (Bavariya), Mbappe (PSJ), Holann (MS) - 7.
Həftənin ən yaxşı oyunçusu (UEFA-nın versiyası): Kilian Mbappe (PSJ).