Beynəlxalq Peşəkar Futbolçular Assosiasiyaları Federasiyası (FİFPro) 2023-cü ilin rəmzi komandasına namizədlərin siyahısını açıqlayıb.

"Football-plus.az" xəbər verir ki, nominantların siyahısına 23 futbolçu daxil edilib.

Qeyd edək ki, ilin komandası FİFPro və FİFA tərəfindən seçilir. Namizədlər isə aşağıdakı futbolçulardı.

Qapıçılar: Tibo Kurtua (“Real”, Belçika), Ederson (“Mançester Siti”, Braziliya), Emiliano Martines (“Aston Villa”, Argentina).

Müdafiəçilər: Ruben Diaş (“Mançester Siti”, Portuqaliya), Vircil van Diyk (“Liverpul”, Niderland), Eder Militao (“Real”, Braziliya), Antonio Rüdiger (“Real”, Almaniya), Con Stounz (“Mançester Siti”, İngiltərə), Kayl Uoker (“Mançester Siti”, İngiltərə).

Yarımmüdafiəçilər: Cud Bellingem (“Borussiya” Dortmund/“Real”, İngiltərə), Kevin De Bruyne (“Mançester Siti”, Belçika), İlkay Gündoğan (“Mançester Siti”/“Barselona”, ​​Almaniya), Luka Modriç (“Real”, Xorvatiya), Rodri (“Mançester Siti”, İspaniya), Bernardo Silva (“Mançester Siti”, Portuqaliya), Federiko Valverde (“Real”, Uruqvay).

Hücumçular: Kərim Benzema (“Real”/“Əl-İttihad”, Fransa), Erlinq Holann (“Mançester Siti”, Norveç), Harri Keyn (“Tottenhem”/“Bavariya”, İngiltərə), Kilian Mbappe (PSJ, Fransa), Lionel Messi (PSJ/“İnter Mayami”, Argentina), Kriştiano Ronaldo (“Əl-Nəssr”, Portuqaliya), Vinisius Junior (“Real”, Braziliya).