“Rəqibin müəyyən üstünlükləri var” - Krunoslav Renduliç
"Qarşıda bizi çox çətin və ağır oyun gözləyir".
“Football-plus.az” xəbər verir ki, bu sözləri "Sabah"ın baş məşqçisi Krunoslav Renduliç Konfrans Liqasının 3-cü təsnifat mərhələsində "Sent Patriks Atletik”lə (İrlandiya) ilk matç öncəsi mətbuat konfransında deyib.
“Rəqibin müəyyən üstünlükləri var. Onların öz çempionatı davam edir və 26 oyun keçiriblər. Fiziki cəhətdən bir balaca daha üstündürlər. İnanırıq ki, sabahkı çətin, ağır oyundan qalib ayrılacağıq. Sabah əlimizdən gələnin ən yaxşısını edəcəyimizə söz veririk. Vuruşacağıq ki, növbəti mərhələyə yüksələn tərəf biz olaq".
Qeyd edək ki, sabah keçiriləcək "Sent Patriks Atletik" - "Sabah" matçı Bakı vaxtı ilə saat 22:45-da başlayacaq.
Digər xəbərlər
