“Ümumiyyətlə, "Ludoqorets" yaxşı komandadı, 10 ildən çoxdu Bolqarıstan çempionu olur. İki dəfə isə Çempionlar Liqasının qrupunda iştirak etmiş klubdu. Hazırda komanda əvvəlki dönəmlərini xatırlatmasa belə, yenə güclüdü. Keyfiyyətli futbolçuları var. Əsasən hücum xəttində oynayan futbolçuları sürətlidi. Ortada 6 nömrəli formanı geyən Yakub Pyotrovski var ki, onu xüsusi vurğulamaq istəyirəm. Ən yaxşılardandı, oyunu o idarə edir, həm də Polşa millisinin üzvüdü. Sağ cinahda "37 nömrə" Bernad Tekpetey var ki, o da ən yaxşılardandı. Sürətlidi, daim istəklidi. Başqaları da var, amma bu iki futbolçunu xüsusi vurğulamaq istərdim. Yaxşı komandadı. Lakin düşünürəm ki, "Qarabağ" üçün uğurlu olacaq. "Qarabağ" öz oyununu oynasa, tam gücünü göstərsə, keçə biləcəyi rəqibdi”.