''Beşiktaş'' baş məşqçi Covanni van Bronxorstun qərarı ilə lazımsız futbolçularla yollarını ayırmaqda davam edir.

“Football-plus.az” xəbər verir ki, futbolçu ilə olan müqavilə qarşılıqlı razılıq yolu ilə ləğv edilib. Söhbət Ante Rebiç və Aydın Hasiçdən gedir. Rebiç komandaya ötən yay gəlmişdi. Amma təcrübəli xorvatiyalı vinger ümidləri doğrulda bilmədi və mövsüm ərzində yalnız 23 rəsmi oyuna çıxaraq 1 qol, 5 məhsuldar ötürmə ilə fərqləndi. Gənc bosniyalı yarımmüdafiəçi Hasiç isə 2020-ci ildən komandada idi. Heç cür əsas komandada özünə yer tapa bilməyən 22 yaşlı futbolçu ''Ümraniyəspor'', ''Göztəpə'' və ''Sarayevo''ya icarəyə verilmişdi.

Hasiç ''Beşiktaş'' karyerasına yalnız 13 oyun və 2 məhsuldar ötürmə sığışdıra bildi. İndi rəhbərlik Abubakar, Oksleyd-Çemberleyn və Amarti ilə də yolları ayırmaq üçün danışıqlar aparır. Bu 3 futbolçunun ümumi illik qazancı 7,3 milyon avrodu. ''Beşiktaş'' onlarla vidalaşsa həm maaş yükündən qurtulacaq, həm də legioner limiti baxımından komandanın əli-qolu rahatlayacaq.

ƏLİ