Ozancan Kökçü klubunu dəyişdi
Millimizin üzvü Ozancan Kökçü klubunu dəyişib.
25 yaşlı yarımmüdafiəçi Niderland "Eyndhoven"indən ayrılıb və Finlandiya HİK-inə keçib.
Bu barədə HİK-in mətbuat xidməti məlumat yayıb. Kökçü ilə 2026-cı ilin sonunadək müqavilə imzalanıb.
Ozan Can bu səhər tibbi müayinədən keçib və daha sonra məşqlərdə iştirak edib. O, Finlandiya klubuna transferi haqqında fikirlərini də bölüşüb:
"Əsas oyun mövqeyim hücumçuların arxasındakı hücumameyilli yarımmüdafiədi. Amma cinah yarımmüdafiəçisi kimi də oynamağa öyrəşmişəm. Mən aqressivəm və qələbə qazanmaq üçün istəkliyəm. Komandada münasibətlər yaxşı olanda və meydanda əlindən gələni edəndə çox vaxt uğur qazanırsan".
Qeyd edək ki, Kökçü 2022-ci ilin yayından "Eyndhoven"də oynayırdı.
Digər xəbərlər
