“Linkoln Red İmps” “Qarabağ” üçün güclü rəqib sayılmaya bilər. Amma hansısa komandanı aşağılamaq düzgün deyil. Təbii ki, “köhlən atlar”ın səviyyəsinə bələdik. Kollektiv uzun illərdi ölkəmizi layiqincə təmsil edir. Bəli, rəqib bu fonda zəif görünür. Lakin Cəbəllütariqə görə yaxşı durumdadılar. Ölkənin kiçikliyini və futbolda uğurlu olmadıqlarını nəzərə alsaq, “Linkoln Red İmps”in Konfrans Liqasının qrup mərhələsində oynaması böyük uğurdu. Yenə də “Qarabağ”la bu komandanı eyni tərəziyə qoymaq olmaz. Bu baxımdan bizimkilər, əlbəttə, üstündü”.

“Oyunda “köhlən atlar”ın gücünə bir daha şahid olduq. Qələbə asan qazanılmadı. Uzun məsafə, hava şəraiti və süni ot örtüyü işi çətinə saldı. Rəqibin öz meydanında müdafiə olunması “Qarabağ”a problem yaradırdı. Lakin bir qol kifayət etdi ki, ev sahibləri daha riskli oynasın. Belədə ikinci dəfə fərqlənmək də mümkün oldu. Təbii ki, ilk oyunlarda “Qarabağ” həmişə istədiyi kimi oynaya bilmir. Hər halda, mövsüm yeni başlayıb. Belədə xətlərarası əlaqədə problemlərin görünməsi normaldı. Əsas odu ki, “köhlən atlar” heyətini qoruya bilib. Üstəlik tanış simalarla güclənib. Bütün bunlar müsbət haldı. Nəticədə “Qarabağ” ötən mövsümə nisbətən öz oyununu daha tez “tapacaq”.

“Onun haqda danışmaq hələ tezdi. Daha güclü komandalara qarşı çıxışını izlədikdən sonra dəqiq dəyərləndirmək olar. Həm də bir qədər vaxt lazımdı. İnanıram ki, “Qarabağ” üçün uğurlu seçim olacaq”.