Filippe Koutinyo “Aston Villa”nı növbəti dəfə tərk edib. O, futbolçu karyerasını Braziliyada davam etdirəcək.

Hücumameyilli yarımmüdafiəçi “Vasku da Qama”ya keçib. Rio de Janeyro klubunun mətbuat xidmətinin məlumatına görə, 32 yaşlı Filippe növbəti bir ili icarə əsasında A seriyası təmsilçisinin heyətində keçirəcək. Koutinyo ötən mövsüm “Əl-Duhail”də (Qətər) icarədə olub. Qeyd edək ki, o, “Vasku da Qama”nın yetirməsidi. Bu klubun formasını 2008-10-cu illərdə daşıyan braziliyalı futbolçu karyerası ərzində “İnter”, “Espanyol”, “Liverpul”, “Barselona” və “Bavariya”da da çıxış edib.

Filippe müxtəlif komandalarla Çempionlar Liqası və Amerika Kuboku da daxil olmaqla ümumilikdə 11 kubok qazanıb.