Filippe Koutinyo tezliklə “Aston Villa”dan ayrılacaq.

"Football-plus.az" xəbər verir ki, braziliyalı yarımmüdafiəçi karyerasını Qətərdə davam etdirəcək. İnsayder Fabritsio Romanonun verdiyi məlumata görə, 31 yaşlı futbolçu “Əl-Duhail”ə keçməyə yaxındı. Tərəflər müqavilənin şərtləri ilə bağlı razılığa gəliblər.

Koutinyo ötən mövsüm “Aston Villa”nın heyətində bütün turnirlərdə 22 oyuna çıxıb və 1 qol vurub. Qətər klubunun ona görə nə qədər xərcə düşəcəyinə aydınlıq gətirilmir. “Transfermarkt” portalı əvvəllər “İnter”, “Barselona”, “Bavariya” və “Liverpul”da oynayan futbolçunun bazar dəyərini 10 milyon avro qiymətləndirir.