''Yuventus''un Kənan Yıldıza yeni müqavilə təklif etdiyini xəbər vermişdik.

Turin nəhəngi gənc türkiyəli ulduzun müqaviləsini 2029-a qədər yeniləmək, ona ''10'' nömrəli formanı vermək və illik məvacibini təxminən 4 dəfə artıraraq 1,2 milyon avroya çatdırmaq niyyətindədi. Amma danışıqların az qala ötən aydan başlamasına baxmayaraq hələ də tərəflər arasında anlaşma əldə olunmayıb. Buna səbəb Kənan Yıldızın daha çox pul tələb etməsidi. ''Corierro dello Sport''un xəbərinə görə futbolçunun meneceri klub tərəfindən təklif olunan illik maaşın artırılmasını istəyib. ''Yuve'' rəhbərliyi qarşı tərəfin bu tələbinə hələ ki, cavab verməyib. Amma danışıqların davam edəcəyi gözlənilir.

Qeyd edək ki, AÇ-2024-də Türkiyə yığmasının şərəfini qorumuş 19 yaşlı futbolçu ötən mövsüm ''Yuventus''un heyətində 32 rəsmi oyunda 4 qol vurub.

ƏLİ