''Yuventus'' rəhbərliyi böyük gələcək vəd edən Kənan Yıldız ilə bağlı yeni qərar qəbul edib.

İtaliya mətbuatının iddiasına görə Turin nəhəngi 19 yaşlı futbolçunun müqavilə müddətini 2029-a qədər uzatmaq və ona ''10'' nömrəli formanı vermək niyyətindədi.

Hazırda ''15'' nömrəli forma ilə oynayan Kənanın klubdan nömrə ilə bağlı heç bir tələbi olmayıb. Amma xəbərdə qeyd olunur ki, o, rəhbərlikdən belə bir təklif gələcəyi təqdirdə qəbul edəcək. Kənanın ''Qoca Sinyora'' ilə indiki müqaviləsi 2027-ci ilə qədər nəzərdə tutulub.

Ötən mövsüm ''Yuve''də 32 oyunda 4 qol vuran Yıldız AÇ-2024-də Türkiyə yığmasının heyətində çıxış etmişdi. ''Yuventus''da hazırda ''10'' nömrəli forma Pol Poqbaya məxsusdu. Amma məşhur fransalı yarımmüdafiəçi bilindiyi kimi dopinqdən istifadəyə görə uzun müddətə futboldan kənarlaşdırılıb. Ona görə də ''10'' nömrəli formanın Kənana verilməsi kifayət qədər real görünür.

ƏLİ