Matteys de Liqtin “Bavariya”ya transferi rəsmən açıqlanıb.

"Football-plus.az" xəbər verir ki, Almaniya klubu ona görə 70 milyon avro xərcə düşüb.

“Yuventus”u öz istəyi ilə tərk edən De Liqt “Bavariya” ilə 5 illik müqavilə imzalayıb. Niderlandlı müdafiəçi yeni klubunda “4” nömrəli forma ilə çıxış edəcək. 22 yaşlı futbolçu bu nömrə altında sabiq klubları “Ayaks”da və “Yuventus”da da oynayıb.

“Yuventus” artıq onun müdafiədəki yerinə yeni oyunçu alıb. Ölkə nəhəngi “İnter”in də hədəfində olan “Torino”nun oyunçusu Qleyson Bremeri transfer edib. Braziliyalı futbolçu tibbi müayinədən keçmək və müqavilə imzalamaq üçün yeni klubunun ofisinə gəldiyi bildirilib. “Yuventus” ona görə əzəli rəqibinə 41 milyon avro ödəyəcək. 25 yaşlı oyunçu ilə müddəti 2027-ci ilin yayına qədər razılaşdırılan müqavilə imzalanacaq.

Qeyd edək ki, Qleyson “Torino”nun heyətində 110 oyuna çıxıb, 13 qol vurub və 5 məhsuldar ötürmə edib. O, ötən mövsüm A seriyasının ən yaxşı müdafiəçisi seçilib.