Dibala “10” nömrəli formanı niyə qəbul etməyib?
Paulo Dibalanın yeni komandasında geyəcəyi formanın nömrəsi məlum olub.
Football-plus.az xəbər verir ki, “Yuventus”dan azad agent kimi ayrılan argentinalı hücumçu “Roma”da “21” nömrəli formada çıxış edəcək. Paulo rəhbərliyin ona təklifini qəbul etməyib:
“Direktor mənə burda Françesko Tottinin etdiklərinə görə xüsusi diqqət yetirilən “10” nömrəli formanı təklif etmişdi. Bu futbolka əbədi onda qalmalıdı. Rəhbərliyə təşəkkür etdim, çünki bu nömrə altında oynamaq böyük məsuliyyət tələb edir. Ola bilsin, nə vaxtsa “10” nömrə altında oynayacağam, amma indi “21” nömrəli forma məni qane edir. Bu, bağlı olduğum və qələbə qazanmağa başladığım nömrədi”.
Digər xəbərlər
