“Ramalinqom komandaya qoşularkən də 9 nömrəli formanı istəmişdi"
Mövsümün ilk yarısında 90 nömrəli forma ilə çıxış edən “Səbail”in 30 yaşlı madaqaskarlı hücumçu Aleksandr Ramalinqom ikinci yarıya 9 nömrəli forma ilə başladı.
Bu nömrənin futbolçu üçün xüsusi bir önəm kəsb edib-etmədiyini öyrənmək üçün klubun mətbuat xidmətinin rəhbəri Rəşad Məmmədovla əlaqə saxladıq:
“Ramalinqom komandaya qoşularkən də 9 nömrəli formanı istəmişdi. Çünki əvvəlki klubunda da 9 nömrəli formada çıxış etmişdi. Sadəcə, həmin nömrə Amil Yunanovda olduğuna görə bu istəyi alınmadı. Bildiyiniz kimi, Amil “Kəpəz”ə icarəyə veriləndən sonra “9 nömrə” oş qaldı. Bunu görən Ramalinqom bizə istəyini çatdırdı. Klub rəhbərliyi də onun istəyini yerinə yetirdi”.
KAMAL SƏFƏR
Digər xəbərlər
