Türkiyə AÇ-2024-ün 1/8 finalında Avstriyanı 2:1 məğlub edərək milyonlarla azarkeşini sevindirdi.

Qardaş ölkənin komandası tarixində 3-cü dəfə AÇ-nin 1/4 finalına yüksəldi. Matçın qəhrəmanı isə sözsüz ki, Merih Dəmiral oldu. Müdafiəçi olmasına rəğmən bu cür vacib oyunda iki qol vuran 26 yaşlı futbolçu böyük alqış qazandı. Merih Türkiyə yığmasının heyətində Nihat Kahvecinin ardından AÇ-nin final mərhələsində bir oyunda iki qol vuran ikinci futbolçu oldu. Nihat bunu AÇ-2008-də Çexiya ilə oyunda bacarmışdı. Ən əsası Dəmiral 57-ci saniyədə hesabı açmaqla adını tarixə yazdırdı.

Belə ki, bu qol AÇ tarixində pley-off mərhələsində vurulan ən erkən qol oldu! Əvvəlki rekord ünlü polşalı forvard Robert Levandovskiyə məxsus idi. O, AÇ-2016-nın 1/4 finalında Portuqaliya ilə oyunda 100-cü saniyədə fərqlənmişdi.

ƏLİ