AÇ-2024-ün seçmə mərhələsində millimizlə son oyunda poker edən Belçika yığmasının futbolçusu Romelu Lukaku rekorda imza atıb.

"Football-plus.az" xəbər verir ki, 30 yaşlı hücumçu cari tsikli 14 qolla tamamlayaraq buna nail olub.

O, bir seçmə mərhələdə ən çox qol vuran oyunçu kimi tarixə düşüb. Lukaku şimali irlandiyalı Devid Hili (AÇ-2008) və polşalı Robert Levandovskiyə (AÇ-2016) məxsus 13 qolluq rekordu yeniləyib.

Lukaku Belçika millisindəki qol sayını isə 83-ə çatdırıb. Robert Levandovskini (81 qol) geridə qoyan forvard Avropa yığmalarının bombardirlərinin siyahısında 3-cü yerə yüksəlib. Onu yalnız Portuqaliya millisinin heyətində 128 dəfə fərqlənən Kriştianu Ronaldu və hesabında 84 qol olan Ferents Puşkaş (Macarıstan, İspaniya) qabaqlayır.