Türkiyə bunu ilk dəfə bacardı

Türkiyə yığması üçün AÇ-2024 uğurlu şəkildə start götürdü.

“Football-plus.az” xəbər verir ki, qardaş ölkənin komandası turnirin debütantı olan Gürcüstan üzərində 3:1 hesablı qələbə qazandı. Bununla da ''ay-ulduzlular'' bir ilkə imza atdılar. Belə ki, bu komanda indiyə qədər heç vaxt AÇ-yə qələbə ilə start verə bilməmişdi. Daha dəqiq desək, Türkiyə buna qədər iştirak etdiyi 5 qitə turnirinin hamısına məğlubiyyətlə başlamış və üstəlik bu oyunlarda cəmi 1 qol vurmuşdu! Qardaş ölkə ilk oyunlarda AÇ-1996-da Xorvatiyaya (0:1), AÇ-2000-də İtaliyaya (1:2), AÇ-2008-də Portuqaliyaya (0:2), AÇ-2016-da Xorvatiyaya (0:1) və AÇ-2020-də İtaliyaya (0:3) boyun əymişdi.

ƏLİ