"Bəli, "Şamaxı"dan gələn təklifə isti yanaşdım. Çünki baş məşqçi Ayxan Abbasov karyeramda önəmli rol oynayır. Bu üzdən onun təklifinə düşünmədən "hə" dedim. Allah işimizi asanlaşdırsın! İnşallah, "Şamaxı" azarkeşlərini sevindirməyə çalışacağıq. Klub mənim üçün yad deyil. Övladıma gəlincə, bəli sözügedən klublar həm mənimlə, həm də "Neftçi" ilə əlaqə saxlayıb. Təəssüf ki, Türkiyədə mövsüm ayın 15-i bitdiyi üçün gedə bilmədik. Bizi dəvət etmişdilər. Bu işdə Şahruddin Məhəmmədəliyevin böyük əməyi var. Saidi daim nəzarətində saxladığı üçün ona minnətdaram. Bizə gələn zənglər Şahruddinin vasitəçiliyiylə olub. "Neftçi" rəhbərliyi icazə versə, övladım növbəti mövsüm başlayanda Türkiyədə təlim-məşq toplanışına qatılacaq. Uyğunlaşma prosesinə məsuliyyətlə yanaşmalıyıq. Çünki Saidin hələ 13 yaşı var və valideyn qayğısına ehtiyac duyur".