Misli premyer-liqasının 7-ci turunda səfərdə "Sabah"la qarşılaşan "Turan Tovuz" məğlub oldu.
Qonaqların qapıçısı Kamal Bayramov "Football-plus.az" saytına oyunla bağlı fikirlərini bölüşdü:
"Sabah bu mövsüm yaxşı start götürüb. Komanda çempionluğa oynayır. Onlarla matçımızın ağır keçəcəyini bilirdik. Məğlub olsaq da, komandamızın yaxşı mübarizə apardığını düşünürəm. Yenidən qurulan komandayıq, "Sabah" kimi güclü rəqiblərlə oyunlar bizim üçün təcrübədi".
Təcrübəli qolkiper şans qazanmamasından da danışdı:
"Mən peşəkar futbolçu kimi daim üzərimdə çalışıram. Hazırda şans qazanmamağım baş məşqçinin seçimidi və onun qərarına hörmət edirəm. Nə vaxt mənə etimad göstərsə, çıxıb oynumu oynayacam".
ABDULLA İSMAYILOĞLU