“Yuventus”da baş məşqçi problemi yoluna qoyulub.

Komandanın yeni çalışdırıcısının adı rəsmən açıqlanıb. Turin klubunun rəsmi saytının yaydığı xəbərə görə, bu vəzifəyə, gözlənildiyi kimi, Tyaqo Motta təyin edilib. Onunla 3 illik müqavilə imzalanıb. Həm İtaliya, həm də Braziliya vətəndaşlığı olan mütəxəssis istefaya göndərilən Massimiliano Alleqrinin yerini tutub.

Qeyd edək ki, Mottanın sonuncu iş yeri “Bolonya” olub. Komanda ötən mövsüm A seriyasında 5-ci yeri tutmaqla Çempionlar Liqasına vəsiqə qazanıb.