İtaliya çempionatının cari mövsümündə ikinci məşqçi istefası zərurətə çevrilib.

“Montsa” rəhbərliyi Covanni Stroppa ilə yolları ayırıb. Komandanı bu yay tarixində ilk dəfə A seriyasına çıxaran mütəxəssis işini uğursuz nəticələrə görə itirib. 6 turdan sonra bu liqada 1 xalla sonuncu yeri tutan “Montsa”ya müvəqqəti olaraq gənclər komandasını çalışdıran Raffaele Palladino başçılıq edəcək.

Bu arada “Bolonya”nın yeni baş məşqçisi müəyyənləşib. Bu vəzifəyə Tyaqo Motta təyin olunub. 40 yaşlı mütəxəssislə müddəti 2024-cü ilin yayına qədər nəzərdə tutulan müqavilə imzalanıb. O, bir neçə gün əvvəl istefaya göndərilən Sinişa Mihayloviçin yerini tutub.

Qeyd edək ki, Motta ötən mövsüm A seriyasında çıxış edən “Spetsiya”nı çalışdırıb.