“Napoli”nin aparıcı futbolçularından olan Xviça Kvaratsxeliyanın müştəriləri gündən-günə artır.

“Football-plus.az” xəbər verir ki, “AS” nəşrinin məlumatına görə, “Barselona”nın rəsmiləri gürcüstanlı yarımmüdafiəçinin nümayəndələri ilə əlaqə saxlayıblar. Lakin “Napoli”nin 23 yaşlı futbolçu ilə yolları ayırmağa hazır olmadığı da vurğulanıb. Əsas hücumçu Viktor Osimhenin bu yay komandadan ayrılacağı ilə razılaşan klubun prezidenti Aurelio De Laurentis Xviça kimi daha bir aparıcı oyunçusunu itirmək istəmir. Yeri gəlmişkən, bir neçə gün əvvəl “Napoli”nin Kvaratsxeliya ilə müqaviləni yeniləməyə yaxın olduğu haqda xəbər yayılmışdı.
Xviça bu mövsüm meydana çıxdığı 38 matçda 10 qol vurub və 6 məhsuldar ötürmə edib.