“Napoli” Xviça Kvaratsxeliya ilə müqaviləni yeniləməyə çalışır. Belə məqamda “Arsenal” onu heyətinə qatmaq istəyir.

Bu xəbəri tuttomercatoweb.com portalı yayıb. 21 yaşlı yarımmüdafiəçinin hazırda London klubunun əsas hədəfi olduğu vurğulanır. “Arsenal” rəhbərliyi “Napoli”nin gürcüstanlı futbolçuçu 100 milyon funt sterlinqdən aşağı məbləğə satmayacağını yaxşı anlayır. Buna baxmayaraq, London klubu bu transferi yaxın zamanda reallaşdırmaqda qərarlıdı.

Xatırladaq ki, Xviça İtaliyada ötən ilin yayından oynayır. O, A seriyasının liderinin heyətində bütün turnirlərdə meydana çıxdığı 20 matçda 9 qol vurub və 12 məhsuldar ötürmə edib. Xviçanın yığmamızın sabiq hücumçusu Badri Kvaratsxeliyanın oğlu olduğunu da bildirək.