Xviça Kvaratsxeliya ilə bağlı məsələsinə aydınlıq gəlib.

Gürcüstan millisinin və “Dinamo”nun (Batumi) oyunçusunun növbəti mövsümdən “Napoli”də oynayacağı dəqiqləşib. “Napoli”nin prezidenti Aurelio De Laurentis son günlər yerli mediada gəzən xəbərləri təsdiqləyib. O, 21 yaşlı yarımmüdafiəçini mövsümün sonunda transfer edəcəklərini açıqlayıb. İtaliya mənbələri daha əvvəl Xviça ilə 5 illik müqavilə imzalanacağını xəbər vermişdi. “Napoli”nin bu transfer üçün Batumi klubuna 8 milyon avro ödəyəcəyi də müəyyənləşib.

Qeyd edək ki, Xviça milli komandamızın sabiq hücumçusu Badri Kvaratsxeliyanın oğludu.