"Xviça xüsusi futbolçudu" - Ançelotti
"Real"ın baş məşqçisi Karlo Ançelotti "Napoli"nin futbolçusu Xviça Kvaratsxeliya barədə fikirlərini bölüşüb.
"Football-plus.az" "Football İtalia"ya istinadən xəbər verir ki, mütəxəssis 21 yaşlı hücumameyilli yarımmüdafiəçinin xüsusi futbolçu olduğunu deyib:"Napoli" çox yaxşı oyunçularla müqavilə imzaladı, komandaya yeni nəfəs gətirdi.İndi bu komandanın nəyə qadir olduğunu proqnozlaşdırmaq çətindir, bu, gözlənilməz hala gəlib. Kiminsə xəbəri yoxdursa, mən "Napoli"də işləyəndə Xviçanın oyununu izləyirdik. O, xüsusi futbolçudu”.
Qeyd edək ki, Xviça bu yaydan etibarən "Napoli"də oynayır. O, A seriyasında 8 matçda 5 qol vurub və 2 qolun ötürməsini verib. Gürcüstanlı oyunçu Azərbaycan yığmasının sabiq futbolçusu Badri Kvaratsxeliyanın oğludur.
