Bu qış transfer dönəmində ''Trabzonspor''dan ayrılaraq Acun Ilıcalının sahibi olduğu çempionşip təmsilçisi ''Hall Siti''yə yollanan Abdülkadir Ömür yavaş-yavaş İngiltərə futboluna alışmağa başlayır.

Bu turnirin rəsmi saytında 36-cı turun rəmzi komandası açıqlanıb və ora Abdülkadirin də adı var. 36-cı turda ''Hall Siti'' öz meydanında ''Birmingem''lə 1:1 bərabərə qaldı. Türkiyəli ulduz aktivinə qol və ya məhsuldar ötürmə yaza bilməsə də, parlaq oyunu ilə diqqət çəkməyi bacardı. Ömür meydanda olduğu 79 dəqiqə ərzində topa 74 dəfə toxundu və ötürmələrdə 91 faizlik dəqiqlik yaxaladı. Maraqlıdı ki, qonaqlar bərabərlik qolunu Abdülkadir əvəzləndikdən sonra vurdular. ''Hall Siti''nin görüşdəki yeganə qolunu isə 25-ci dəqiqədə digər türkiyəli futbolçu Ozan Tufan vurdu. Abdülkadir indiyə qədər bu klubda 6 oyuna çıxaraq aktivinə bir məhsuldar ötürmə yazıb. Sona 10 tur qalmış ''pələnglər'' 6-cı pillədə qərarlaşıblar. Komanda mövsümü ilk ''6-lıq''da bitirəcəyi təqdirdə premyer-liqaya vəsiqə uğrunda pley-offda iştirak etməyə haqq qazanacaq.

ƏLİ