Turun mərkəzi oyunu “Monako” – PSJ dueli idi.

Maraqlı mübarizə şəraitində keçən oyunda çoxlu təhlükəli vəziyyət yaransa da, hesab açılmadı. Luis Enrikenin çalışdırdığı parislilər inamla turnir cədvəlinə başçılıq edir, liderdən 13 xal geri qalan “knyazlar” isə 3-cü pillədə qərarlaşıb. “Havr”ın öhdəsindən çətinliklə gələn “Brest” 2-ci pillədəki mövqeyini qorudu. Turnir cədvəlinin dördüncüsü “Reyms” üzərində səfər qələbəsi ilə “Nitsa”nı arxada qoyan “Lill”di. “Qartallar”ın uğursuz seriyası davam edir. Françesko Fariolinin komandası bu dəfə səfərdə “Tuluza”ya uduzdu. “Lion”un 4 oyunluq qələbə seriyasına vitse-çempion “Lans” darmadağınla son qoydu. “Şirlər” çoxsaylı qol vəziyyətlərindən yararlansaydı, vəziyyət başqa cür ola bilərdi. “Marsel” isə qol vəziyyətlərindən əla yararlanaraq autsayder “Klermon”un qapısından 5 top keçirdi.

Turun qalan oyunlarına gəlincə, “Monpelye” – “Strasbur” oyununda məhsuldar heç-heçə qeydə alındı, “Mest” səfərdə “Nant”a, “Loryan” isə “Renn”ə qalib gəldi.

24-cü tur
Monako – PSJ 0:0
(14000)
Monako: Mayetski, Uattara, Kerer, Maripan, Sinqo, Minamino, Fofana, Akliuş (Ben Seqir, 70), Qolovin, Ben Yedder, Baloqun.
PSJ: Donnarumma, L.Ernandes (Mendeş, 59), Beraldo, Mukiele, Hakimi, Soler (Li Kan İn, 86), Uqarte, Vitinya, K.Mbappe (Kolo Muani, 46), Ramuş (Dembele, 59), Asensio (Barkola, 39).
Brest – Havr 1:0
Lis-Melu, 34. (14718)
Brest: Bizot, Loko, Brasye, Şardonne, Lala, Lis-Melu, Maqnetti (Marten, 64), Pereyra Laqe, (Lebo, 88), Kamara (Dumbiya, 64), Del Kastilyo (Le Duaron, 74), Satriano.
Reyms – Lill 0:1
Devid, 56. (16452)
Lill: Şevalye, Qudmundsson, Yoro, Diakite, Santuş, Andre, Bentaleb, Haraldsson (İsmaili, 81), Qomes (Aleksandro, 87), Jeqrova (Yazıcı, 88), Devid (Dajo, 90+4).
Tuluza – Nitsa 2:1
Dallinqa, 65. Qboo, 69 – Moffi, 8. (25507)
Klermon – Marsel 1:5
Butobba, 53 – Ndiaye, 23. Obameyanq, 59. Kloss, 67. Enrike, 80. Mumbanya, 90+2. (10583)
Nant – Mets 0:2
Mikautadze, 58-p. Udol, 60. (27132)
Monpelye – Strasbur 2:2
Norden, 71; 89 – Diarra, 47-p. Emeqha, 83. (11635)
Renn – Loryan 1:2
Quiri, 90+4 – Bamba, 59. Krupi, 90. (28615)
Lion – Lans 0:3
Sotoka, 43. Vai, 53-p. Danso, 87. (48242)
1. PSJ 24 16 7 1 54-19 55
2. Brest 24 13 7 4 35-18 46
3. Monako 24 12 6 6 44-34 42
4. Lill 24 11 8 5 34-20 41
5. Nitsa 24 11 7 6 23-17 40
6. Lans 24 11 6 7 33-24 39
7. Marsel 24 9 9 6 38-26 36
8. Renn 24 9 8 7 36-29 35
9. Reyms 24 10 4 10 30-32 34
10. Tuluza 24 7 8 9 27-32 29
11. Lion 24 8 4 12 25-38 28
12. Strasbur 24 6 8 10 25-37 26
13. Loryan 24 6 7 11 33-45 25
14. Nant 24 7 4 13 23-36 25
15. Havr 24 5 9 10 24-31 24
16. Monpelye (-1) 24 5 9 10 27-33 23
17. Mets 24 5 5 14 21-37 20
18. Klermon 24 3 8 13 17-41 17
Bombardirlər: K.Mbappe (PSJ) – 21, Lakazett (Lion), Devid (Lill) - 12, Ben Yedder (Monako) - 11.
Növbəti turun oyunları martın 8-10-u aralığında keçiriləcək: Nitsa – Monpelye, Loryan – Lion, Lans – Brest, PSJ – Reyms, Strasbur – Monako, Havr – Tuluza, Mets – Klermon, Lill – Renn, Marsel – Nant.

Turun rəqəmi
13 – “Nant” cari mövsümdə keçirdiyi 24-cü oyunda məğlubiyyətlərinin sayını bu həddə çatdırdı. Komanda indiyə qədər mövsümün göstərilən zaman kəsiyində bu qədər məğlub olmamışdı.

Turun ulduzu
Conatan Devid (Lill) – möhkəm “Reyms” ilə səfər oyununda “şimallı itlər”ə qələbə qazandırdı. Özü də məhz rəqibin üstün oyun göstərdiyi məqamda. Mövsümdəki 12-ci qol kanadalını bombardirlər cədvəlinin liderlərinə də yaxınlaşdırdı.

Turun sitatı
Luis Enrike, PSJ-nin baş məşqçisi: “İki fərqli hissə oldu. Birincidə rəqib çoxlu təhlükəli vəziyyət yaratdı, ikincidə isə biz. Qələbə də qazana bilərdik, məğlib ola da. Nəticə qanunauyğundu. Artıq demişdim ki, bu oyun “Real Sosyedad”la qarşılaşmanın baş məşqidi. Həm rəqib oyunçularının fərdi ustalığı, həm də ümumilikdə komanda planında”.

Faktlar
* Jan-Lui Qasse “Marsel”in tarixinə 1962-ci ildən bəri bütün turnirlərdə keçirdiyi ilk üç oyunda qələbə qazanan ilk baş məşqçi kimi düşdü. Həmin vaxt Otto Qloriya komandaya ilk 5 oyunda qələbə qazandırmışdı.

* Mbappe “Monako” ilə oyunun fasiləsində əvəzləndi. Gənc forvard əvvəlki turun “Renn” ilə oyununun 65-ci dəqiqəsində yerini komanda yoldaşına vermişdi. Beləcə Mbappe 2022-ci ilin oktyabrından bəri ilk dəfə PSJ-nin ardıcıl iki oyununda əvəzləndi.