Fransa çempionatında daha bir solğun oyun keçirən PSJ evdə “Renn” ilə qarşılaşmada məğlubiyyətdən çətinliklə qurtuldu.

"Football-plus.az" xəbər verir ki, 33-cü dəqiqədə hesabda irəli çıxan qonaqlar final fiti ərəfəsində mübahisəli penalti qərarına üzüldü. Luis Enrikenin komandası 54 xalla hələ də inamla turnir cədvəlinə başçılıq edir. Səfərdə “Strasbur”u darmadağın edən “Brest” 43 xalla 2-ci pillədə qərarlaşıb. “Monako” da 23-cü turun nəticələrindən sonra ilk “3-lüy”ə qayıtdı. Adi Hütterin komandası buna vitse-çempion “Lans” üzərindəki qeyri-adi səfər qələbəsi ilə nail oldu. Minamino “knyazlar”a qələbə qazandıran qolu 90+2-ci dəqiqədə vurdu. 41 xala malik “Monako” evdə gözlənilmədən autsayder “Klermon”la heç-heçəyə razılaşan “Nitsa”nı arxada qoydu. “Lill”, ümumiyyətlə, turu məğlubiyyətlə başa vurdu. “Şimallı itlər” səfərdə “Tuluza” ilə bacarmadı – 1:3.
Turun qalan nəticələrinə gəlincə, “Lion”un ardıcıl 4-cü qələbəsini qeyd etməyə dəyər. Bu dəfə “şirlər”in təzyiqi altında “Mets” əzildi. Jan-Lui Qassenin “Marsel”in “sükanı arxasında” uğurlu oyunlar seriyası davam edir. “Şaxtyor”u Avropa Liqasından uzaqlaşdıran cənublular evdə “Monpelye” üzərində əzmkar qələbə qazandı. “Marsel” ölkə çempionatında Cennaro Qattuzonun rəhbərliyi altında keçirdiyi son 6 oyunda qələbəyə həsrət qalmışdı.
“Havr” “doğma divarlar” arasında 66-cı dəqiqədə azlıqda qalan “Reyms”ə uduzdu, “Nant” səfərdə “Loryan”ı məğlub etdi.

23-cü tur
PSJ – Renn 1:1
Ramuş, 90+7-p. – Quiri, 33. (47000)
PSJ: Donnarumma, L.Ernandes (Mendeş, 71), Beraldo, Pereyra, Hakimi, Vitinya, Ruis, Li Kan İn (Asensio, 46), Barkola (Kolo Muani, 65), K.Mbappe (Ramuş, 65), Dembele (Zair-Emeri, 71).
Strasbur – Brest 0:3
Kamara, 33; 40; 58-p. (25140)
Brest: Kuder, Loko, Şardonne, Brasye, Lala, Lis-Melu (Brahimi, 84), Marten, Pereyra Laqe (Le Duaron, 68), Kamara (Dumbiya, 75), Del Kastilyo (Kamblan, 84), Satriano (Lebo, 84).
Nitsa – Klermon 0:0
(22081)
Nitsa: Bulka, Bar, Dante, Todibo, Lotomba (Rozye, 87), Türam, Budaui (Rosario, 61), Boqa (Moffi, 61), Klod-Moris (Ndaişimay, 82), Gessand, Şo (Lyabord, 75).
Lans – Monako 2:3
Vai, 31. Said, 77 – Baloqun, 19. Minamino, 30; 90+2. (37992)
Monako: Mayetski, Uattara (Diop, 63), Salisu, Maripan, Sinqo, Fofana, Zakariya, Qolovin, Minamino, Ben Yedder (Ben Seqir, 71), Baloqun (Maqassa, 90+5).
Marsel – Monpelye 4:1
Ndiaye, 31. Obameyanq, 41; 62-p. Sako, 82-öz qapısına – Əl-Tamari, 5. (61263)
Mets – Lion 1:2
Mikautadze, 13 – Lakazett, 45+1. Benrahma, 60. (27560)
Loryan – Nant 0:1
Kastelleto, 49. (16787)
Havr – Reyms 1:2
Ture, 74-p. - Darami, 64; 90+6-p. (22406)
Tuluza – Lill 3:1
Mavissa Elebi, 49. Syerro, 60-p. Dallinqa, 66 – Haraldsson, 45. (24124)
1. PSJ 23 16 6 1 54-19 54
2. Brest 23 12 7 4 34-18 43
3. Monako 23 12 5 6 44-34 41
4. Nitsa 23 11 7 5 22-15 40
5. Lill 23 10 8 5 33-20 38
6. Lans 23 10 6 7 30-24 36
7. Renn 23 9 8 6 35-27 35
8. Reyms 23 10 4 9 30-31 34
9. Marsel 23 8 9 6 33-25 33
10. Lion 23 8 4 11 25-35 28
11. Tuluza 23 6 8 9 25-31 26
12. Nant 23 7 4 12 23-34 25
13. Strasbur 23 6 7 10 23-35 25
14. Havr 23 5 9 9 24-30 24
15. Monpelye 23 5 8 10 25-31 22
16. Loryan 23 5 7 11 31-44 22
17. Mets 23 4 5 14 19-37 17
18. Klermon 23 3 8 12 16-36 17
Bombardirlər: K.Mbappe (PSJ) – 21, Lakazett (Lion) - 12, Ben Yedder (Monako), Devid (Lill) - 11.

Növbəti turun oyunları martın 1-3-ü aralığında keçiriləcək: Monako – PSJ, Reyms – Lill, Klermon – Marsel, Tuluza – Nitsa, Nant – Mets, Monpelye – Strasbur, Brest – Havr, Renn – Loryan, Lion – Lans.

Turun rəqəmi
12 – “Brest” çempionatda məğlubiyyətsiz oyunlar seriyasını bu həddə çatdırdı. Komanda bu müddətdə 8 qələbə qazanıb, 4 oyunda heç-heçə edib. 12 məğlubiyyətsiz oyun 1990-cı ilin aprel-avqust aralığında müəyyənləşən klub rekordunun təkrarıdı.

Turun ulduzu
Mahdi Kamara (Brest) – “Strasbur”la oyunda aşkar üstün təşkil bağışlayan komandasının bütün qollarını vurdu. 58-ci dəqiqədə qonaqlar penalti qazanarkən yenə “nöqtə”yə Mahdi yaxınlaşdı və Bellaruşla dueldən qalib ayrıldı.

Turun sitatı
Luis Enrike, PSJ-nin baş məşqçisi: “Yəqin ki, biz artıq Kilian Mbappesiz oynamağa öyrəşmişik”.

Fakt
“Lion” son 4 çempionat oyununun hamısında qələbə qazanıb. Bu, “şirlər”in 2021-ci ilin yanvar-fevral aralığında Rudi Qarsiyanın rəhbərliyi altında müəyyənləşdirdiyi qələbə seriyasının təkrarıdı.

Reaksiya
Adi Hütter, “Monako”nun baş məşqçisi: “Çox mübarizə aparan iki komanda arasındakı çətin oyun idi. İlk yarıda biz dominantlıq etdik. 2-ci hissədə rəqib üstün oynadı. Bu oyun hətta “Lans” azarkeşlərinin də xoşuna gəldi”.