“Yığmamızın bu turnirə qatılmamasına görə sevinirəm”
Sabiq çexiyalı qapıçı Dominik Qaşek MHL-in Çexiya yığmasını Dörd Millətin Turnirinin iştirakçıları siyahısına salmamasıyla bağlı qərarını şərh edib.
Əfsanəvi hokkeyçi Çexyanın bu turnirə qatılmamasından razıdı:
“MHL ilə münasibətlərlə bağlı mövqeyimi (Qaşek rusiyalı hokkeyçilərin MHL-də çıxış etməsinin əleyhinədi – red.) bilirsiz. Bax, buna görə, yəni indiki vəziyyəti nəzərə alaraq, milli komandamızın turnirin iştirakçıları arasında olmamasına görə şadam”.
Xatırladaq ki, MHL bu ilin əvvəlində Dörd Millətin Turnirinin keçiriləcəyini, turnirdə Kanada, ABŞ, Finlandiya və İsveç yığmalarının çıxış edəcəyini açıqlayıb. Həmin turnir gələn ilin fevralında Kanada ilə ABŞ-da keçiriləcək. Hər komandanın heyətində MHL-də çıxış edən 23 hokkeyçi yer alacaq, bunların 20-si sahə oyunçusu, 3-ü qapıçı olacaq.
