“MHL hər belə mövsümə görə Ukraynaya 2-4 milyard dollar ödəməlidi”
“Vaşinqton”un hücumçusu Aleksandr Oveçkin “İzvestiya”ya verdiyi müsahibədə rusiyalı oyunçulara münasibətdə heç bir sanksiyaya əl atmayan MHL-i tənqid edən Dominik Qaşek haqda da danışıb:
“Onun açıqlamaları məni o qədər də maraqlandırmır. MHL klubları oyunçuları vərdişlərinə və bacarıqlarına görə seçir, daha milli mənsubiyyətinə görə yox”.
Xatırladaq ki, Çexiya yığmasının sabiq oyunçusu apreldə MHL rəhbərliyini Oveçkinə və başqa rusiyalı hokkeyçilərə burda oynamağa icazə verdiyinə görə tənqid etmişdi. Stenli kubokunun ikiqat qalibi olan Qaşek Oveçkinin “İzvestiya”ya müsahibəsindən xəbər tutub və belə deyib:
“Aleksandr Oveçkin MHL-də ölkəsini təmsil edir, Rusiyanın reklamı rolunu oynayır. MHL isə Oveçkinin və başqa rusiyalı oyunçuların çıxışına icazə verməklə bu ölkəni reklam edir. MHL Rusiyanı bu şəkildə reklam etdiyi hər mövsümə görə Ukraynaya 2-4 milyard dollar ödəməyə borcludu”.
Mövzunun davamı kimi onu da vurğulayaq ki, MHL-də Rusiyadan olan 62 hokkeyçi çıxış edir.
