“Yayılan informasiya, daha dəqiqi, heç bir əsası olmayan xəbərlər ilə mən də tanışam. Kimin ağlına nə gəlsə, onu da yazır. Komandadan ayrılan futbolçu yoxdu. İki-üç oyunçu var ki, fizioterapiya müalicəsi aldığından heyətə daxil etmirik. Belə hallardan istifadə edib məsələni başqa yerlərə çəkirlər. Maliyyə sıxıntısı yoxdu? Əlbəttə, var. 1-ci liqa klubunun çətinliklə üzləşməsi anlaşılandı. Lakin bu mövzunun komandaya hansısa ciddi təsiri olmur. Oyunçular durumu anlayışla qarşılayır. Əlimizdən gələni edirik ki, hər kəs özünü istər fiziki, istərsə psixoloji cəhətdən yaxşı hiss etsin. Klubun həkimi yoxdu. Sağ olsunlar, bəzən Bakıdakı, bəzən də “Kəpəz”də çalışan həkimlər futbolçuların sağlıq durumuyla maraqlanır, lazım olanda müəyyən tədbirlər görür. Bizə yardımı olan hər kəsə təşəkkür edirik”.

“Şəhərdə klubu sevən, oyunlarımızı maraqla izləyən və bizi meydanda tək qoymayan xeyli azarkeş var. Təvazökarlıqdan uzaq olsa da, komandamız sevilir. Təəssüf ki, bəzi şəxslər əleyhimizə çıxır. Nəinki uduzanda, qələbə qazananda belə narazılıq edənlər var. Dəstək göstərmək əvəzinə ruhdan salmağa çalışırlar. Şükür Allaha, belə hallarla mübarizə apara bilirik. Bəlkə də xəbərlər məhz bizi sevməyənlərin uydurması, sifarişidi. Halbuki konkret hədəfimiz var. Mayda genişmiqyaslı işlərə başlayacağıq. Cari mösvümdəki məqsəd liqanı tərk etməməkdisə, növbəti “futbol ili”ndə daha böyük işlər görmək istəyirik. AFFA söz verdiyi kimi, artıq stadionumuzda meydançanın tikintisinə başlayıb. İnşallah, zaman keçdikcə daha çox inkişaf edəcəyik”.