Məhəmməd Salahın yaşıl meydanla bağlı həsrəti sona çatmaq üzrədi. “Liverpul”un hücumçusu zədəsini sağaldıb.

İngiltərə klubunun mətbuat xidmətinin yaydığı məlumata görə, o, komanda ilə ümumi məşqlərə qayıdıb. Misirli futbolçu qarşıdakı matçda meydana çıxa biləcək. Xatırladaq ki, Salah Afrika Millətlər Kubokunun Misir – Qana matçında (2:2) omba nahiyəsindən zədə almışdı. O, yanvarın 18-dən yaşıl meydanda çıxmayıb.

Yeri gəlmişkən, Məhəmməd klubundakı gələcəyi ilə bağlı qərar verib. “Football Insider”in məlumatına görə, o, “Liverpul”dan ayrılmaq fikrində deyil. Əksinə, klubla müqaviləsini yeniləmək istəyir. Onun hazırkı müqaviləsinin müddəti 2025-ci ilin yayında başa çatacaq. Salah bu mövsüm klubunda bütün turnirlərdə 27 oyuna çıxıb, 18 qol vurub və 9 məhsuldar ötürmə verib.