Məhəmməd Salah hələ də “Liverpul” ilə müqaviləsini yeniləməyib.

O, belə məqamda yaxın gələcəyi ilə bağlı qərarını açıqlayıb. Misirli hücumçu yayda klubdan ayrılacağı ilə bağlı iddialara münasibət bildirib. Məhəmməd hazırkı komandasında qalacağını deyib:

Salahın klubla müqaviləsinin müddəti gələn ilin yayında sona çatacaq. Bu o deməkdi ki, “Liverpul” qarşıdakı aylarda onunla yenidən anlaşa bilməsə, afrikalı futbolçu bir ildən sonra qırmızı forma ilə azad agent kimi vidalaşacaq.

Yeri gəlmişkən, “Liverpul” yeni mövsüm üçün ilk transferini edib.

İngiltərə klubu “Fulhem”in 19 yaşlı yarımmüdafiəçisi Fabio Karvalyonun məsələsini bir neçə ay əvvəl yoluna qoymuşdu. Yeniyetmə futbolçu “Liverpul”a iyulun 1-dən qoşulacaq. Qeyd edək ki, o, “Fulhem”in yenidən İngiltərə premier-liqasına vəsiqə qazanmasında mühüm rol oynayıb. Portuqaliyalı oyunçu 2-ci divizionda mövsüm ərzində meydana çıxdığı 36 matçda 10 qol vurub və 8 məhsuldar ötürmə edib.