Tofiq Bəhramov adına Respublika stadionunun damının güclü külək üzündən uçduğunu xəbərini vermişdik.

Dam necə uçdusa, hələ də yerinə gəlib çıxa bilmir. Ötən il dekabr ayının 12-də baş verən hadisənin dünən 2 ayı tamam oldu. Hələ də nə bir dəyişiklik, nə də irəliləyiş var. Sonuncu dəfə stadionun direktoru Tələt Məmmədovla danışanda prosesin uzun zaman alacağını öyrənmişdik. Çünki damın bərpası üçün lazım olan material ölkədə yoxdu deyə, xaricdən gətirilməliydi. Bəs həmin material nə vaxta gəlib çıxacaq? Axı ayın 22-də məhz bu stadionda Avropa Liqasının pley-off oyunu keçiriləcək. İşdi-şayət, yağış yağsa, azarkeşlərimiz halı necə olacaq? Bu suala cavab tapmaq üçün yenidən Tələt müəllimlə əlaqə saxladıq. Fəqət bu dəfə də aldığımız cavab “xeyr” oldu.

Ümid edək ki, bari mövsüm bitməmiş problem aradan qaldırılar...

KAMAL SƏFƏR