“Neftçi”nin İnfrastruktur və Nəqliyyat Departamentinin rəhbəri Tələt Məmmədov vəzifəsindən ayrılıb.

“Football-plus.az” xəbər verir ki, adı çəkilən şəxsin yeni iş yeri bəlli olub. Tələt bəy bundan sonra Tofiq Bəhramov adına Respublika Stadionunun direktoru vəzifəsini icra edəcək. O, Babək Hidayətovu əvəzləyib. Maraq üçün bildirək ki, Hidayətov aprelin 26-da Şamil Quliyevin yerinə işə başlamışdı. Onun qısa zamanda vəzifəsindən ayrılması sual doğuran məqamdı.

Qeyd edək ki, bir müddət öncə "Neftçi"də təşkilati işlər üzrə menecer vəzifəsində çalışan Mehman Əlimov da Gənclər və İdman Nazirliyi İxtisaslaşdırılmış Uşaq-Gənclər Olimpiya Ehtiyatları Futbol Məktəbinə rəhbər təyin olunmuşdu.

İLKİN SULTANLI