"Nail Kərimov illərdi klubda əziyyəti olan, böyük işlər görən kadr idi. Onun gedişi heç yaxşı olmadı. "Qəbələ" akademiyasının belə səviyyəyə gəlməsində böyük əziyyəti olan biri idi. Nail müəllimə uğurlar arzu edirəm. Səbuhi Safiyarlı isə illərlə bizim klubda işləyib və yad insan deyil. Uğurlu biridi. Düşünürük ki, həm o, həm də yeni məşqçilər komandaya yaxşı təsir edə biləcək. Amma burda əsas məsuliyyət futbolçuların üzərinə düşür. Onlar özlərinə gəlməli, yaxşı nəticələr göstərməli və ən azından liqada qalmağımız üçün əllərindən gələnin artığını etməlidi. "Qəbələ"nin bazası, meydançaları, akademiyası, işçi heyəti, qısaca hərşeyi idealdı. Bu vəziyyətdə olmaq bizə yaraşan durum deyil. Ümid edirik ki, komanda liqada qalacaq".