"Komandanın uğursuz nəticələri məni çox narahat edirdi. Bu haqda uzun müddət idi düşünürdüm. "Sumqayıt"la oyundan sonra qərarımı qətiləşdirdim. Böhran vəziyyətində atılan hər addım vəziyyətin müsbət mənada dəyişməsinə kömək edir. Ona görə də bu addımı atmaq qərarına gəldim. Klub məni saxlamaq üçün çox israr etdi. Amma hesab edirəm ki, bu qərar verilməli, bu addım atılmalı idi. Ümid edirəm ki, komanda premyer-liqada yerini qoruyacaq. Dəyişikliyin müsbət təsir edəcəyinə inamım hədsiz çoxdu. Yeni idman direktorunun təyin olunmasıyla bağlı ilk təşəbbüs məndən gəlib. Belə başa düşülməsin ki, Səbuhi Səfiyarlı gəldi və məni qəbul etmədi deyə getdim. Onunla uzun illərdi bir-birimizi tanıyırıq. Futbol klubunda işləməmişdən də münasibətimiz var idi. Heç birimiz futbol sahəsində işləməsək belə, bundan sonra yenə də münasibətlərimiz yaxşı olacaq".