“Red-Black Army" dəstəyini əsirgəməyəcək
"Qəbələ" 5-ci turda, nəhayət, ilk qələbəsini qazandı.
“Qırmızı-qaralar” “Zirə” ilə ev oyununda sevindi. Xatırladaq ki, bölgə təmsilçisi avrokuboku da saysaq, ardıcıl 6 oyun idi yenilgi alırdı. Komandanı tək buraxmayan "Red-Black Army" fanklubunun fəallarından Cavad Şərifli ilk qələbəyə belə münasibət bildirdi:
"Həmişə komandamıza güvənmişik və yanında olmuşuq. İnşaallah, ümid edirik ki, dünənki qələbə komandamızın toparlanmasına yaxşı tərəfdən böyük təsir edəcək, xallar qazanmağa davam edəcəyik. Faktiki yenidən quruluruq. Ona görə də komandaya dəstək olmaq lazımdı. "Qəbələ" ailəsinin - hər kəsin əl-ələ verib qara zolaqdan çıxacağına, yenidən iddiamızı ortaya qoyacağımıza ümid edirəm".
ABDULLA İSMAYILOĞLU
Digər xəbərlər
