“Təlim-məşq toplanışına yanvarın 10-da başlamışıq. Gün ərzində bir-iki dəfə məşq keçirik. Düzdü, bizdə baza olmadığı üçün əziyyət çəkirik. Yağış və qar yağanda meydana çıxa bilmirik, köməkçi meydançalardan istifadə edirik. Amma məşqlərimizi davam etdiririk. Hələ ki iki yoxlama oyunu keçirmişik. İlk oyunda “Kəpəz”in əvəzedicilərinə 3:1 qalib gəldik. Qolları Elvin Əlizadə, Vidadi Cəfərov və Elvin Əliyev vurdu. Oyunun birinci yarısı mənə o qədər də xoş təsir bağışlamadı. Sistemdə dəyişikliklər etmişdim ki, görüm hücum ecə alınır? İkinci hissədə sistemi dəyişdim və uğurlu oldu. İlk hissədə rəqib komanda minimal hesabla öndə idi. Sistemdə dəyişikliklər etdikdən sonra qələbə qazandıq. Sonra isə səfərdə “Karvan”la qarşılaşdıq. Oyun qolsuz bitdi. Bu qarşılaşmada isə yeni gəlmiş iki oyunçunu yoxlayırdım. İlk hissədə üstünlük bizim əlimizdəydi. 3-4 real qol imkanını qaçırdıq. İkinci hissədə gənclərə üstünlük verdim. Belədə oyun istədiyim kimi alınmadı. “Karvan” ikinci hissədə bizdən üstün oynadı. Üçüncü yoxlama oyunu ilə bağlı danışıqlar gedir”.

“Yanvarın 10-da təlim-məşq toplanışına başlamışıq. Gündə bir dəfə “ASK Arena”da məşq edirik. Hər həftəsonu yoxlama oyunu keçiririk. İlk oyunda “Cəbrayıl”la qarşılaşdıq və 2:1 hesabıyla qələbə qazandıq. Qolları Balamirzə Sultan və Ruslan Bayram vurdu. Komandadan gedənlər var. Təlim-məşq toplanışına bir neçə futbolçu dəvət etmişik. Yanvarın 28-də “Sabah”ın U-19 komandası ilə oynayacağıq”.