“Mən bu komandada məsləhətçiydim. Rəhbərliyə söz vermişdim ki, nə vaxta kimi burdayamsa, əlimdən gələn köməyi edəcəm. Komandanın məşqçilər korpusu öz istəyi ilə istefa verdi. Mən onların işinə qarışmırdım. İşə gəlirdim, məsləhətimi verirdim, gedirdim. Bakıdaydım. Rəhbərlikdən zəng gəldi. Görüşdük, danışdıq, razılaşdıq”.

“Komandanın bütün oyunlarını izləmişəm. “Mingəçevir”i heç kimdən zəif hesab etmirəm. Rəqiblərdən də qorxmuram. Mənim üçün fərqi yoxdu ki, MOİK 1-ci yerdədi, “İmişli”, “İrəvan” bizdən öndədi. Bizim komandanın psixoloji problemi var. Futbolçuların inamını özünə qaytarmaq lazımdı. Bundan başqa, komandada nizam-intizam aşağıdı. İnşallah, əhval-ruhiyyəni qaldıracam. Ümid edirəm ki, bu kollektivlə çempionatı yaxşı yerlərdə başa vuracam. Ola bilər ki, 2-ci dövrədə komandada hansısa dəyişikliklər olsun. Hansısa mövqeyə oyunçu lazım olsa, rəhbərlikdən xahiş edəcəm ki, transfer etsin. Bu da komandanın gücləndirilməsi üçün lazım olacaq. Amma bu uşaqlarla yola davam edəcəm”.

“Heç bir məşqçi uduzmaq istəməz. Kubok matçıdı. Kim güclüdüsə, o da qalib gələcək. Mən bu görüşdə öz sistemimi komandaya tətbiq etməyə başlayacam. Bizim kollektivin oyun fəlsəfəsi yoxdu. Bilinmir ki, nə oynayırıq. İstəyirəm ki, öz sistemimi tətbiq edim. Qıraqdan baxanda oyun görmürsən. Hər komandanın öz sistemi var da. Biz meydana çıxıb elə futbol oynayırıq. Başa salan yoxdu ki, bu oyunu hansı sistemlə oynayırsan. Bir az bu sarıdan əziyyət çəkirik. İnşallah, kubok matçında bunu da yoluna qoyacağıq. Hansı sistemdən istifadə edəcəyimi zaman göstərəcək. Amma ən yaxşı müdafiə hücumdu. Yəqin ki, hücumameyilli komanda formalaşdıracam”.