Divizion klubu ölkə xaricinə yollanacaq
“Qaradağ Lökbatan” 1-ci divizionun hazırlıqlarına başlayıb.
Bu məlumatı “Football-plus.az”a açıqlamasında qəsəbə təmsilçisinin baş məşqçisi Səbuhi Həsənov verdi. Mütəxəssis komandasının ölkə xaricində təlim-məşq toplanışına keçəcəyini bildirdi:
"Yanvarın 6-dan məşqlərə başlamışıq. İki təlim-məşq toplanışı keçirməyi düşünürük. Əvvəlcə Bakıda, sonra ölkə xaricində. Yanvarın 15-də "Şamaxı-2", 21-də "Araz Naxçıvan", fevralın 1-də isə "Sumqayıt-2" ilə yoxlama görüşü keçirəcəyik. Futbolçulardan Elmar Əzizov, Hüseyn Hüseynli və Fərid Şahhüseynli ilə yolları ayırmışıq. Baxışa yeni oyunçular cəlb etsək də, onlarla bağlı hələ qərar verilməyib. Danışıqlar davam edir".
ABDULLA İSMAYILOĞLU
Digər xəbərlər
