Məlum olduğu kimi bazar günü Səudiyyə Ərəbistanında keçirilən finalda ''Real'' ''Barselona''nı 4:1 hesabı ilə darmadağın edərək İspaniya superkubokuna sahib çıxdı.

“Football-plus.az” xəbər verir ki, oyundan sonra madridli futbolçular arxasında ərəb dilində yazı olan formalar geydilər. Amma bircə Toni Kroos həmin formanı geyməkdən imtina etdi! Bununla da almaniyalı futbolçu tribunaların onu fitə basmasına bu cür özünəməxsus tərzdə cavab verib. Kroosla Səudiyyə Ərəbistanının belə desək, ulduzu heç cür barışmır. Təcrübəli forvard bir neçə ay öncə verdiyi açıqlamada avropalı futbolçuların bu ölkəyə axınını qınamışdı. O, futbolçuların Səudiyyə Ərəbistanına yalnız pul qazanmaq üçün yollandıqlarını və bunun futbolun ruhuna zidd olduğunu vurğulamışdı. Kroos eyni zamanda özünün heç vaxt Səudiyyə Ərəbistanında oynamayacağını bildirmiş və bu ölkədə insan haqlarının pozulması faktlarına da diqqət çəkmişdi. Bu üzdən 34 yaşlı yarımmüdafiəçi İspaniya superkuboku çərçivəsində həm yarımfinalda ''Atletiko'', həm də finalda ''Barselona''ya qarşı oyunlarda topa hər toxunuşunda ərəb fanatlar tərəfindən fitə basıldı. Kroosun bu mövsüm 26 rəsmi oyunda 1 qol, 6 məhsuldar ötürmə ilə fərqləndiyini bildirək.

ƏLİ