Misli premyer-liqasının 18-ci turunda “Neftçi” “Kəpəz”i məğlub edib - 2:0.
“Football-plus.az” xəbər verir ki, matçdan sonra gəncəlilərin baş məşqçisi Adil Şükürovun mətbuat konfransı keçirilib. Sizi onun fikirləri ilə tanış edirik:
"Biz futbolu azarkeşlərimiz üçün oynayırıq. Onların komandanın yanında olması, dəstəkləməsi bizi çox sevindirir. İnamlarını görürük və çalışırıq ki, daha yaxşı oynayaq. Oyun başlayanda qollar buraxırıq. Bunun üzərində işləməliyik. Oyun olaraq rəqibdən geri qalmırıq. "Neftçi" isə şanslarından istifadə etdi. Gələcəyə baxacağıq. Gələn illərə fokuslanacağıq".
- Komanda əvvəlki turlara nisbətən bu gün daha çox epizodlar yaratdı. Amma istifadə edə bilmədi...- Bunun üzərində çox çalışmalıyıq. Futbolçularda ani diqqətsizliklər olur.
- Əvəzetmni 82-ci dəqiqədə reallaşdırdınız. Ehtiyat qüvvə yoxdu?- Belə oyunlarda gənc futbolçunu meydana buraxdıq. Əsas məqsədimiz Cavad Kərimov kimi oyunçuları qazanmaqdı. Hücumameyilli oyunçumuz təkcə Cavad idi.
- "Kəpəz"in maksimumu nədi?
- Əsas hədəfimiz premyer-liqada qalmaqdı. Futbolçularımız bu gün bacardıqlarını edirlər. Eyni futbolçulardı, ilin əvvəlində başlamışdılar. Futbolçular bu cür oynaya bilirlərsə, məncə, onlar özlərini inkişaf etdirə bilər. 1-2 oyunçu gətirməklə, komandanı daha gücləndirməyə çalışacağıq. Bugünkü oyunda maksimumu edə bilmədik. Bu da təbiidi. İstəyirik ki, futbolçularımız ən yaxşısını etsinlər. "Neftçi" ilə matçda tam olaraq istədiklərimizi reallaşdıra bilmədik.