Bu gün çoxdan azərbaycanlılara həsrət qalan Xankəndi şəhər stadionunda qələbəlik, bayram ab-havası olacaq.

Şəhər stadionunda “Qarabağ”la MOİK-in kubokun 1/4 finalına vəsiqə qazanmaq uğrunda mübarizəsinə şahid olacağıq. Bu oyunu 5 minə yaxın azərkeş izləyəcək. Yaxın rayonların əhalisi öz yerində, ancaq Bakıdan Qarabağın baş şəhərinə 80 avtobus yollanacağı gözlənilir. Üzücü məqam odu ki, qəzaya düşən PFL rəsmilərinin heç biri matçda iştirak edə bilməyəcək.

Stadion oyuna tam hazırdı. Yeni oturacaqların quraşdırılması başa çatıb. Tribunanın arxa qapılarından birinin üzərində böyük hərflərlə "Qarabağ Azərbaycandır", digərində isə "Xankəndi" sözləri yazılıb. Bundan başqa, stadionda elektron reklam lövhələri də yerləşdirilib və onun sınaqları həyata keçirilib.

MİRKAMAL KAZIMZDƏ