Joze Mourinyo müəyyən məbləğdə ziyana düşüb. “Roma”nın çalışdırıcısı cərimələnib.

“Football-plus.az” xəbər verir ki, o, hakim Matteo Marsenaro ilə futbolçu Domeniko Berardinin ünvanına səsləndirdiyi fikirlərə görə 20 min avro geri düşüb. Portuqaliyalı mütəxəssis A seriyasının 14-cü turunun “Sassuolo” ilə oyunundan (2:1) əvvəl Marsenaronun yüksək səviyyəli matç idarə etməyə emosional cəhətdən hazır olmasına şübhə etdiyini bildirmişdi. Mourinyo oyundan sonra hakim ilə bağlı yöndəmsiz açıqlama verdiyini etiraf etmişdi. Amma “Sassuolo”nun aparıcı oyunçusu Bearadinin ünvanına tənqidi fikir səsləndirməyi də lazım bilmişdi.
İtaliya Futbol Federasiyasının müvafiq komitəsi Mourinyo kimi paytaxt klubuna da 20 min avro cərimə kəsib. 40 min avroluq vəsait Leykemiya, Limfoma və Mielomaya qarşı Assosiasiyanın fonduna köçürüləcək.