Joze Mourinyo Avropa Liqasının final oyunundan sonra çox əsəbi olub. O, hakimliyi kəskin tənqid edib.

"Football-plus.az" xəbər verir ki, “Roma”nın baş məşqçisi oyundan sonra baş hakim Entoni Teylorla mübahisə edib.

İddia olunur ki, Mourinyo hakimə matçı biabırçı şəkildə idarə etdiyini deyib. Onun fikrincə, referi “Sevilya”nın yarımmüdafiəçisi Erik Lamelanı meydandan qovmalıydı.

60 yaşlı portuqaliyalı mütəxəssis məhz hakimliyə etiraz əlaməti kimi mükafatlandırma mərasimində aldığı medalı tribunadakı azarkeşlərdən birinə atıb.

Yayılan məlumata görə, Mourinyo stadionun avtomobil parkında gördüyü Teylora “***ilmiş rüsvayçı” sözlərini də ünvanlayıb.